قصيده ..شلون اراضيك

من طرف **ام فهد** الجمعة يناير 29, 2010 12:02 am

تخطي علي وتزعل شلون أراضيك ........... واضح خطاك وتدري إن الخطا منك

جازيتني بالصد وشلـون أجازيـك ........... أبذكرك بأخـر قصيـدي وأبعلنـك

خدعت قلب اللي يحبـك ويغليـك ............ قبل أمس أقول القلب بيتك وموطنك

واليوم أقول شلون قلبي وثق فيك ........... صدمت قلب اللي على السر امنـك

أسالك وانت المتهـم وش يبريـك ............ جاوب على اللي قلت ماني بهاينك

ابيك تعرف من حكالك حكى فيـك ........... لا تحسب أن اللي حكالـك يثمنـك

ما هوب شعر الا بشعوري أحاكيك ......... احساس صادق طيبن مثل معدنـك

مانيـب متعمـد اذلـك و أبكيـك ............ أذكرك من قبـل تخلـف توازنـك

ياشعـر غنيتـك وهـذي معانيـك ........... في صفحة التاريخ بسمي أدونـك