رد: كرسي الاعتراف

من طرف **ام فهد** السبت يونيو 05, 2010 4:44 am

هلا بمون 15
اسئلتي هي:

1-المكان اللي تحبين تتربعين فيه
2-مشروبك المفضل
3-هل انتي ممن يغذي الصداقة
4-لو طلب منك الملك طلب وبينفذه لك وش تقولين
ادري غبي بس ما ادري وش اقول هع

من طرف **ام الحلوين** السبت يونيو 05, 2010 5:03 pm

مررررحبا مووون

شكل الاسئله خلصت مالقيت شي

وش افضل الاوقات عندك؟

من طرف **moon15** السبت يونيو 05, 2010 7:21 pm

س\ ما اكثر المنتديات الي تدخلينه غير هذا طبعا
من افتحت ام فهد هذا وانا معسكرره فيه
المنتدى الثاااني الفرااشه النسائي

من طرف **moon15** السبت يونيو 05, 2010 7:25 pm

-المكان اللي تحبين تتربعين فيه
مادري وش تقصدين اذا بالبيت في الصااله متربعه على النت
2-مشروبك المفضل
شاااي وفي هالحر تقل المزااجات عليه
3-هل انتي ممن يغذي الصداقة
الي يدورني ادورره
4-لو طلب منك الملك طلب وبينفذه لك وش تقولين
عاد كان خليتيها طلبين خخ طماااعه
يوظفني وظيفه رسميه وقريبه في نفس الحي

من طرف **moon15** السبت يونيو 05, 2010 7:27 pm

وش افضل الاوقات عندك؟
بعد المغررب

بااقي اسئله لاتستحووووون خخخ

من طرف **دموع مخمليه** السبت يونيو 05, 2010 9:25 pm

مشكوره يامون ماقصرتي كثرنا عليك اسئله

من طرف ***قمرررهم*** الأحد يونيو 06, 2010 12:09 pm

يسلموووو مووون مشكورة على الإجابات.

من طرف **moon15** الأحد يونيو 06, 2010 8:19 pm

الله يسلمكم يالغواالي

اممم ارشح
أم الحلوين << تراااه مررريح مرره

من طرف ***قمرررهم*** الأحد يونيو 06, 2010 10:34 pm

يله أم الحلوين تفضلي على الكرسسسسسي

من طرف **ام الحلوين** الإثنين يونيو 07, 2010 7:07 am

مشكوره يااامون لروحك

المرحه في الاجابه

ولدعوتك

بسم الله

هاااااه بديت اتربع على الكرسي

يااااااسلام مريح

بانتظار اسئلتكم لاتستحون خذو راحتكم

من طرف ***قمرررهم*** الإثنين يونيو 07, 2010 11:57 am

مراحب أم الحلوين
لونك المفضل؟؟
أكلتك المفضلة؟؟
أحسن وقت عندك؟؟
وبس ياحلوة

من طرف **moon15** الإثنين يونيو 07, 2010 5:17 pm

صبااح الخير ام الحلوين
سوالي
من اكثر واحد من الحلوين (عيالك) الله يخليهم لك ترحمينه وتحبين تكونين بصفه؟
طبخه متحمسه لها وسوتيها وطلعت مو حلوه او ماضبطيتها؟
وشكرا

من طرف **ام الحلوين** الإثنين يونيو 07, 2010 11:26 pm

مراحب أم الحلوين

مية اهلين وسيلين

لونك المفضل؟؟

الازرق النيلي والاخضر والاصفر

أكلتك المفضلة؟

عصيد امي اللي يحرم دياتها عن النار

أحسن وقت عندك؟؟

بعد صلاه العشاء

من طرف **ام الحلوين** الإثنين يونيو 07, 2010 11:31 pm

moon15 كتب:صبااح الخير ام الحلوين

هلا والله بمووون
سوالي

من اكثر واحد من الحلوين (عيالك) الله يخليهم لك ترحمينه وتحبين تكونين بصفه؟

يمكن تركي ارحمه اكثر

طبخه متحمسه لها وسوتيها وطلعت مو حلوه او ماضبطيتها؟

خخخخخ حلللوه بس والله مااذكر اكيد ياااااماا فيه

اذكر وحده كاتوه البسكوت رووووعه بس ماصارت زيهم مرتبه بس كلناها ما خليناها
وشكرا

العفو يا قلبي

من طرف **ام الحلوين** الإثنين يونيو 07, 2010 11:32 pm

هااااه فيه اسئله ولا خلاص

من طرف **السنيورة** الثلاثاء يونيو 08, 2010 12:20 am

س اكثر شي تكرهينها في نفسك ؟ تبين تردين ولا على راحتك خخخخ

من طرف **{ ĥô§ĥô§ ~!** الثلاثاء يونيو 08, 2010 4:46 am

مرحبتين بـــ أم الحلوين منوره الكرسي..
خذي نفس وسمي بالله ...
نبدأ بالاسئله.. >>حسيت اني بقاعه اختبار

* :ام الحلوين: سبب اختيارك للقب؟؟
* متى اول دخول لك على النت .... وفائده جنيتيها من جلوسك عليه؟؟
* تجربه خالده بعبره هائله..امنحينا منها؟؟
* لو حكمتي العااالم ساع ــــه وش راح تســــووي؟؟
* كلمة دآيم تقولينهآ " يعني على طرِف لسآنك "؟؟
* عادهـ يووميه ما تتخلين عن القياام بهــا؟؟
* عطرك المفضل؟؟
* وجه يجبرك على الإبتسامه؟؟

انتهى ...

من طرف **ام الحلوين** الثلاثاء يونيو 08, 2010 6:01 am

اكثر شي تكرهينها في نفسك ؟ تبين تردين ولا على راحتك خخخخ

العصبيه ودي اتخلص منها واصير حليمه

من طرف **ام الحلوين** الثلاثاء يونيو 08, 2010 6:33 am

مرحبتين بـــ أم الحلوين منوره الكرسي..
خذي نفس وسمي بالله

هلا والله وغلا منوره الحته
من جد مقدمه تروووع خخخخ

بسم الله الرحمن الرحيم

اللهم لاسهل الا ما جعلته سهلا..

نبدأ بالاسئله.. >>حسيت اني بقاعه اختبار

* :ام الحلوين: سبب اختيارك للقب؟؟

ما اخترته انا
مهدى لي
في الحقيقه والواقع هو تحدي انا اكتب هالقب لي
وفزت بالتحدي

متى اول دخول لك على النت .... وفائده جنيتيها من جلوسك عليه؟؟

مااذكر بالزبط بس من اول ما جاء لسدير وانا ناشبه له

استفدت كثير الحمدلله اهم شي خذته الطبخات والموضه

* تجربه خالده بعبره هائله..امنحينا منها؟؟
برو ابائكم تبركم ابنائكم

* لو حكمتي العااالم ساع ــــه وش راح تســــووي؟؟

بحوسهم حوس في هالنصب في الماركات والغلا وبرجع الرياض زي اول بدون زحمااااااات

كلمة دآيم تقولينهآ " يعني على طرِف لسآنك "؟؟
يارب لك الحمد والشكر

اللهم اجعلنا من الشاكرات الذاكرات

* عادهـ يووميه ما تتخلين عن القياام بهــا؟؟
هههههههههه مقابله لاب توبي ولو ان مافيه نت مع موب شاي

* عطرك المفضل؟؟
قوتشي فلور

وجه يجبرك على الإبتسامه؟؟

شوفه اهلي الله لايحرمنا منهم

انتهى وقت الاختبار وتم تسليم الورقه

من طرف **ام الحلوين** الثلاثاء يونيو 08, 2010 6:34 am

هااااه فيه اسئله ولا اقوووم

من طرف ***قمرررهم*** الثلاثاء يونيو 08, 2010 12:17 pm

يسلموووو أم الحلوين على الإجابات

يله ألحقوا اللي ماسأل يسأل تراها رافعه رجلها بتقوم [ندعوك للتسجيل في المنتدى أو التعريف بنفسك لمعاينة هذه الصورة]

من طرف **ام الحلوين** الثلاثاء يونيو 08, 2010 5:42 pm

هههههههههه

ياحليلك ياقمرهم

خلاص قمت

من طرف **moon15** الثلاثاء يونيو 08, 2010 6:56 pm

مشكووووره ام الحلوين

هلا والله بمووون

بااااااااااقي اسئله اخر فرصه

من طرف **{ ĥô§ĥô§ ~!** الأربعاء يونيو 09, 2010 9:10 am

لحظه لحظه خليك ام الحلوين لاتشيلين رجولس عن الكرسي عندي كم سؤال جو ع بالي قلت اسدحهم لك pirat

* هل ملابس الشخص الي امامك ( اللوك تبعه ) تأثر فيك لتأخذي عنه انطباع ؟؟
* موقف او كلمه لما يصير تعصبين وتفقدين اعصابك ؟؟
* وش رايك بالحريم الي يشتغلون اعمال حره بالبيت طبخ واعمال يدويه وغيره ...؟؟