لرجلي كلي حيل ولاهلي ما فيني حيل

نكمل

رفعه: يمه ترا ابي السوق العصر
الام : توك رايحه قبل اسبوعين
رفعه : هذاك قلتيها من اسبوعين ولا تقضيت زين كلها بلوزه لا ومخيسه
الام : احمدي ربك احسن من غيرك
رفعه : اي احسن شوفي بنات خالتي حصه ماركات وكل عزيمه بلبس مب انتم نطركم طراره اعوذ بـ الله
الام : كلن يمد لحافه ع قد رجلينه
رفعه : من زين ذا الرجلين اللي يشوفني يقول عامل مب بنت
الام : ماسكينك حنا لا تدهنين
رفعه : ودونا نعالج زي الناس نشيل ليزر مب ذا الحلاوه مصعتني

رفعه : متى اعرس بس وافتك من ذا العيشه
الام : احد جاس ورديناه ؟
رفعه : بلا من قرادة الحظ .. دافيننا فـ القصر الفسيح لا طلعات ولا سفريات زي الاوادم محد يشوفنا ولا يخطبنا
الام : ان مابغوتس الناس بلى من طوالة ذا اللسان جعله يقص
ما اقول الا الله يصلحس من بنت بس .. امشي بس المطبخ تعلمي شي ينفعس لا اعرستي
رفعه : لايكون بتزوج بفيزة شغاله اطبخ وانفخ .. مب ع كيفه يجيب لي شغاله
الام : واذا جاس واحد ع قده ؟
رفعه : ع قده عند امه مب عندي .. يكفي فقر وغلدمه هنا بعد
الام : اقول ضفي وجهس كانس سديتي نفسي ع ذا الظهريه
رفعه: اروح انام ازين من ذا العيشه حر وقرف ومكيفاتكم تكح وتضرط بعد


بعد شهرين

الام : دقت علي قبل كم يوم حرمه تبيس لولدها وسال ابوس عنه يقول انه ماولد ماعليه وراعي طاعه ومابقى الا رايس وش قلتي
رفعه : مدري يعني يمه انتي وش رايس
الام : الولد يابنتي ماينرد يشتغل ف وزارة الدفاع وراتبه 3500 و بيستاجر شقه لين ماربي يرزقكم
رفعه : بس يمه 3500 ذي ماتجيب جزمه ماركه
الام : اها يابنت العز حدس تي شوز .. وش قلتي بس ؟
رفعه: مااابيه ذا اتقابل انا وياه ع 3500 وشنسوي
الام : بس الولد راعي طاعه ومايعيبه شي
رفعه : تعيبه مخباته وبوكه الفاضي
الام : براحتس ياريم الوليد

,

بعد سنتين

الام : دقت علي قبل كم يوم حرمه تبيس لولدها وسال ابوس عنه يقول انه ماعليه وراعي طاعه ويابنتي تراس كبرتي وانتي تتنعفقين ومب كل يوم طاق بابنا رجال .. والتجار يدورون بعضهم
البنت : مدري وش رايس
الام : الولد يابنتي مايرد يشتغل ف وزارة الدفاع وراتبه 3500 و بيستاجر شقه لين ماربي يرزقكم < ترا مب نفسه ذاك لا خويه ف الدوام
رفعه : موافقه
الام : الشربااااات يا واد ياقوهر ( جوهر)
رفعه : تعرفين تذبين يمه

’

رفعه: يمه وش البس
الام : جلد حلبس
رفعه : مافي شي ينلبس خلاقين مجمعه
الام : ترا ذي شوفه مب عرس ادرعي فـ اي تنوره وبلوزه
رفعه : كلها تفشل وش تبين يقول عني من اول طله
الام : طلي بالابيض طلي
رفعه : شكلي بدق ع منيره اختي تجيب تيورها حق العيد البسه
الام : ان بغيتي البسي شلحه بس فكينا من شرس
رفعه : اشرطوا عليه الشغاله تدخل البيت قبلي وابي شهر العسل فـ باريس
الام : باريس ! خلي عنس ذا البرابيبس واخلصي
,

وقدر الله على اختي وحطت زواج وش حليله في قاعه محترمه والطقاقه ام سعيد .. وطبعن ماعزمت صديقاتها الهاي كلاس ع قولتها تقول ماتواجهون مع ان صديقاتها قراوى بس كل وحده تشلخ ع الثانيه وذهبت رفعه الى عش الزوجيه و ع امل ان ابو الشباب محضر لها سفره معتبره

,

في عش الزوجيه والعيشه اوبهه وهنيه

سالم : هاه حبيبتي رفعه جاهزه الشنط
رفعه : ايووه
سالم : عاد ياني محضر لك احلى سفره في ربوع بلادي
رفعه : وينها فيه ذي < من الحيا ماتجمع
سالم : هههاا لا يامره يعني جوله سياحيه ع ابها و الشرقيه وجده والباحه
رفعه : لايكون بنشارك ف برنامج مع الناس وانا مدري
سالم : احمدي ربك غيرك ماسافر .. واذا مب عاجبك ترا هاا اهون ونوفر قريشاتنا
رفعه : بس يعني الـ
سالم : لا بس ولا مابس يلا الحقيني ع السياره

وسافرت اختي مع سالم ف جوله فـ ربوع بلادي والحقيقه انها كانت مبسوطه بالرغم من شكم سالم لها فهو كـ كل الرجال غمرها بحبه المغلف بالعنف ومزحه الممزوج بالدفاشه

,

وبعد
بعد مضي 8 شهور من الزواج رفعه تحمل في احشائها جنين عمره 5 شهور

رفعه : شغل البيت يهد الحيل وانا ثقلت
سالم : الله يكون ف عونس ( واخذ يدردب باقي البيره)
رفعه : ودي بشغاله
سالم : ماحب الشغاله تخدم علي ( واخذ يكرع البيره )
رفعه : مؤقته ع الاقل لين اولد
سالم : اقول صكي هالموضوع ولا تفتحين بابه لا افتح ف مخس مكتب استقدام ..


وهكذا شكم سالم رفعه ليس بشكمان السياره انما بشكمان عباراته ومعاملته .. واصبحت له كما يريد .. وهي قانعه صامته لا سفريات ولا ماركات ولا شغالات كما كانت تخطط وتهدد وترمي يمين الطلاق يمنتن ويسره كما يترنح شارب الخمر < بدوا يحوقونها


..