سوالف حريم

من طرف **ام فهد** الإثنين يناير 25, 2010 9:18 pm

سوالف حريم

هذي وحدة تقول :

مره وصلني زوجي للمدرسه اللي كنت معلمه فيها الصباح

قلت له وانا نازله : راح اشتاق لك ياحبي....

قال : انزلي انزلي لا تروح عليك الحصه الاولى ..

آآآآآآه بغيت اصفعه بالمسطره
=========================

وحده ثانيه تقول:
زوجي مو راعي هدايا ابد قلت ابشتري هدية جوال اللي يستخدمة قديم

المهم غلفته وكتبت في الكرت شعر وكلام حلو وعطيتة الهدية وكنت بجنبة

المهم فكه بشراسة وجهه فيه علامات استغراب وتعجب وانا مبتسمة طلع وناظر

قال : لمين هذا .

قلت :لك حبيبي

قال : شاريته بالفين وخمسمية يابنت الكلب .

وهو فرحان بس شوفوا التعبير !!!!!

قسم بالله ذبلت ابتسامتي وهو يضحك ويقول اول مرة احد يهديني بالمبلغ هذا
بس تصدقون رحمته
==========================

وهذي وحدة ثالثة تقول :

حطيت شموع من عند الباب الى غرفة النوم والشموع طبعا على الارض وجلست في غرفتي كاشخة وانتظر زوجي

المهم دخل الطعس ودعس الشموع برجلينه

وقام يصارخ ويتألم وكفخ زوجته وزعل عليها وتكلم عليها وماخلى شي ماسواه

والمسكينة انهبلت من اللي شافته

المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك

بس للاسف الحين تطلقت ( ما تنلام تطلب الطلاق )=========================

رابعة :

ملت من الروتين اليومي في حياتها وحبت انها تسوي مفاجئه لزوجها بسهرة رومنسية ...

المهم طلبت كيكه من الدبلوماسي والعصيرات وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم .....
.المهم جاء الزوج من الاستراحه وريحته تفوح دخاخين واستقبلته ودخلته للمجلس وقطعت له من الكيكه وصبت له من العصير...

المهم يوم بلع وخلص

قالها : الحين وراك مجلستنا بالظلام حشى كأننا بمقبرة.
.تقول هي : بلعتها وسكتت من شان ما أخرب السهره...

قام وكمل ذا الماصل وقالها :

الحين وراك طالبه حجم كبير من الكيكه ليش ما طلبتي حجم صغير ليش الاسراف
يالله روحي قومي البزارين ياكلون منها عشان ما تنكب..

هي حامت كبدها منه وطفسته وزعلت عليه......
تدرون المفروض انها تحط له خبز وفول ويخب عليه

هذا مهوب وجه تدليع(جعله الضربه ذا البخيل)

==========================

خامسة :

وحده من البنات توها متزوجه وحابه تسوي حركه لزوجها .
قامت وتزينت وتجهزت من مجاميعه وحطت الاضاءه هاديه وشغلت الدخان الصناعي وانتظرته لحد ماشرف.

المهم يوم دخل ويشوف الدنيا شبه مظلمه والدخاخين حاجبه الرؤيه

ركض للصاله وجلس يناديها وهي ساكته ما ترد عليه تتغلى عليه

(على بالها حركه ما تدري مسيكينه انها بتروح في خبر كان)
هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ما ترد عليه

(جاء بيكحلها عماها)..

بالله وش تتخيلون موقفها؟؟؟...

==========================

سادسة :
هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورومنسيتهم قالت : خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه..

قامت يوم من الايام قبل ما تروح للمعهد

قالت : خل افتح نفسه شوي لما يرجع تعبان ويبغى ينام شوي ونثرت على السرير ورود والعطورات الفواحه تفوح في الغرفه ومن ذا الحركات.
..قالت : إذا رجع وشاف الحركات هذي اكيد بيستانس شوي...

المهم يوم رجعت من المعهد شافت زوجها نايم في الصاله

استغربت وراه تارك السرير ما امبطح عليه...

ويوم صحى وسألته قال : الله يصلحك ناثره لي عشب على السرير وشلون انام عليه

(الله يقلعه مايميز بين الورود والعشب).
...بالله مو المفروض تنثر على السرير تين شوكي عشان يتأدب ذا الباصق..===========================

سابعة :
وحده تعشق شئ اسمه رومنسيه و كانت دائما تعزم زوجها في مطعم راقي على حسابها
يعني تغير من جو البيت وروتينه ..

وكانوا دائما يسون ذا الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..

هي جتها ام العبيد وقالت : انا اوريه عشان يتأدب ويعزمني بدال ما انا أعزمه...

قامت وعزمته زي كل مره ويوم خلصوا من الأكل
قالت له : اكرمك الله يا ابو فلان على العشى ..

هو شرق بالعصير من الروعه
, قال لها : وشلون يعني؟؟؟

قالت له : الله يسلمك الفاتوره دفعتها من جيبك اخذت المبلغ من بوكك قبل ما نطلع..
تقول عقبها طاح وجهه تأدب وصار يطلعها كل سنه مره

(تعب نفسه صراحه)..=
========================

ثامنة :

وحده لاهي ولازوجها يدلون الرومانسيه

وكانت بيوم راح تنقل لبيت ملك

المهم أشارت عليها إختها إنها تشتري حركات

فطلعت مره هي وزوجها يشرون شموع اشكال والوان

وبعد فتره كان زوجها طالع وإستغلت الفرصه وإدهرت تضبط البيت وتكشخت وشغلت الشموع

يوم جاء المحروس
شاف الدنيا ظلام يوم دخل على زوجته ولع النور وطفى الشموع

قالها : الله يهديك الحين أنا شاريها إذا طفى الكهرب

قمة التحطيم

111

=========================

تاسعة :

وحده جنااااااااانها البالونات

ذاك اليوم في كل جدار حطت بالونه ..>>حسيت ا نها حجازية

جاء رجالها ..ومن غير مقدمات يوم شاااف البالونات فقعها وووهو معصب

وقال لها : لو يجونا ضيوووف وش يقولون.. هذولي لسع ما تخرجوا من الإبتدائي ..

والله مسكين ووووبايخ حطم الحرررررررريمه..
==========================

عاشرة :
وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها

المهم ما أطول عليكم .
رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوالشباب
وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ...
واختكم في الله سوتها .. تتوقعون إيش كانت النتيجة ....
لما رجعت البيت بعد اسبوعين لقيت البطاقات على طاولة الكمبيوتر حقي

ضحكت وأقول قراها بدون ما يعلمني الظاهر عجبته الحركة

زوجي كتوم جداً
قلت له : يا عيوني ياحبيبي عجبتك الحركة ..
قال أي حركة لا عاد ترمين أوراقك منا ومنا وأنا ألقط وراك ليه شايفتني شغال عند أبوك تسنعي يا حرمه ..

من رسائ عروض الاتصالات الله يذكرها بالخير kkk

من طرف **moon15** الإثنين يناير 25, 2010 9:51 pm

حلوووووووووه
يعطيك العافيه ام فهد

ههههههههههه
يااختي هالرجاجيل ماعندهم ماعند جدتي
يعطيك العافيه

من طرف **السنيورة** الإثنين يناير 25, 2010 11:10 pm

هههههههههههههههههههههههههههههههههههههههه
حلوة زيك يافمر

هههههههههه

يعطيك العافيه

من طرف **ام فهد** الثلاثاء يناير 26, 2010 2:30 am

منوريين يالغوالي

من طرف **بنت أبوها** الثلاثاء يناير 26, 2010 8:29 am

هههههههههههههههههههههه
ههههههههههههههههههههه
ههههههههههههههههههه

حلووووووووه وخاصة اللي قال ليه طالبه كيكة كبيره
ماادري ليه حسيته يقرب لي ...دائما لساني يطلع من مكانه على غير سنع...

من طرف **المملوحه** الثلاثاء يناير 26, 2010 7:29 pm

هههههههههههههههههههه
يعطيك العافيه

من طرف **ام فهد** الأربعاء يناير 27, 2010 12:50 pm

بنت أبوها كتب:هههههههههههههههههههههه
ههههههههههههههههههههه
ههههههههههههههههههه

حلووووووووه وخاصة اللي قال ليه طالبه كيكة كبيره
ماادري ليه حسيته يقرب لي ...دائما لساني يطلع من مكانه على غير سنع...

هههههههههههه

لايصير ابو خلوود ي بس
[ندعوك للتسجيل في المنتدى أو التعريف بنفسك لمعاينة هذه الصورة]