لا فهمت حروف شعري..ضمها

من طرف **~ صمتي هيبة ~** السبت فبراير 06, 2010 12:25 am

بسم الله الرحمن الرحيم

الغلا قصه عجيبه تبتدي بضحكة عيون

قصة فارسها مشاعر نابضه بأحلى غرام

نصّها كلمة أحبك ياحبيبي للجنون

تنطلق من قلب عامر بالمحبه والسلام

هذي هي قصة غرامي يوم جيتك ياحنون

مابقى شيء بكياني غير حبِّك بـاحتدام

جيت لك تضحك شفاهي بإبتسامات الجفون

جيت لك والقلب غارق في عبارات الكلام

ماتصنّعت المشاعر لاجل أبرهن من أكون

كان همِّي اني آآصل ساحلك يا احلى غرام

أبتسم ساعة أشوفك وأنسى أيام الشجون

وأتخذ لأجلك مساحه في مواعيد الزحام

لاتلاقينا وشفتك قاسي الغربه يهون

والفرح يسري بدمِي ويخترق صلب العظام

وإن تفارقنا دقيقه مالت اوراق الغصون

والدقيقه في عيوني شفتها ألفين عــام

الغياب..!! ياهو غيابك صب لي كاس المنون

أشربه ظلم وتجنِّي وأرتوي بهب انصدام

الغلا ماهو حكايه تعتبر ضمن الفنون

الغلا عشته بقلبك ياقمر وسط الظلام

لو درا بصادق غرامي الغدر حرّم يخون

ولو يعيشه كل مذنب إلتزم بعد الحرام

والبلابل لو تحسَّه زادت أنغام اللحون

وبه تغنّت واهتفت به.. وغارت اسراب الحمام

والبحر لو قاس حبي صارت أمواجه سكون

وقال أنا قطره وجف وأبهر أحلام الانام

حتى قيس اللي تصدّر قائمة أهل الجنون

واللي أهل العشق أخذوا من أساطيره وسام

ما وصل عشقه بليلى مرحلة ضم الحضون

ولا تحّدى في غلاها لذة.. انفاس.. المنام

وعنتر وعبله غلاهم باهت ماله اي لون

بعد ماشخًّصت قلبي حُبهم فيه انفصام

كل حُبٍ غير حُبي مثل همَّال المزون

يستمر وقت والسحاب وينتهي وقت الغمام

وكل شعرٍٍ غير شعري مايفي باللي يبون

تكتب حروفه احبك ونيّته بالانتقام

أتحدى .. وأتحدى .. وأتحدى .. من يكون

إن قلبٍ غير قلبي حُبه صادق بالتمام,,

الغلا قصه وصارت بيني وبينك جنون

حكيتها بشعور قلبي قبل مايبدا الكلام

الغلا واقع أعيشه..معك مايرضى الظنون

واقع أجمل من خيال ..واقع نبراس الوئام

بطلبك قبل أنتهي كانك لـ إحساسي تصون

إن لحظات التواصل نغتنمها اغتنام

مانبي الايام تمشي والمشاعر يتعبون..

والخطاوي الهاويه في سراديب الخصام

والامـــــانه في النهايه ياحكي حُب العيون

لافهمت حروف شعري ضمَّها بعد الختام

مما راق لي