يوم اني اسال ليه شعري فلافل

سسلآم

يلله بخش في الموضوع بسرعه
طبعا هذا الموضوع منقول من عضو في واحد من المنتديات اسمه دموعي اطفات شموعي ومحلف محد ينقله الا ويكتب اسمه هع<<شدييد ههههههه

الموهم

... خــــشـــــه ...

كل آدمي وآدميه شعورهم ناعمه لا يدخلون هذا الموضوع ولا يردون عليه
لانه خاص للي شعورهم فلافل ( مثلي )
وكل شخص بيرد على الموضوع بيثبت ان شعره فلافل


>> عز الله محد رد عليك



انتهت الخشه

ونجي للموضوع






في ليله من الليالي ذات الحر القارص << حر وقارص !!! الله يعينا عليكـ بس

قررت اني افكر وأنا اذا فكرت مشكلة .. لان مخي مهوب متعود على التفكير

المهم ...

كان عندي سؤال محيرني ومتعبني ومسوي لي أزمة مالية ونفسية ومعنوية
والى يومكم وانا أبحث عن إجابة هذا السؤال
والسؤال هو (( ليه شعري فلافل ....؟؟ )) "

من جد ليه ؟؟
وش هذا الاستقصاد الجيني لشخصي الكريم
كل ابو اخواني شعورهم وش زينها الا أنا
ياربي وش اني مسوي ... عشان يصير معي كذا

انسدحت على بطني وضميت المخده بين رجولي << دايم اسوي هذي الحركة
وانا افكر واسأل نفسي ...
ليه ياربي شعري فلافل... ؟؟
وش الذنب اللي ارتكبته حتى يصير شعري كذا... ؟؟



وأنا في عز تساؤلاتي واندماجي مع نفسي الحلوة
بديت اسمع صوت همس قريب مني
اطالع يمين ... أدور يسار
أطل تحت السرير
ماش مافيه شيء
بس لازال صوت الهمس موجود
وش ذا الهواجيس ياربي
وبعد حوسه ودوسه عرفت مصدر الصوت

قربت من الصوت ... ما اشوف شيء قربت أكثر وشفت مخلوق غريب وصغير
رحت جبت ( الدربيل ) اللي اقز به شغالة جيراننا وهي تكنس ملحقهم
وحطيته على هذا المخلوق حتى اشوف وشو
واطالع الا هذا المخلوق الغريب طلع ( قمله


) ... وجسلت اسولف معها


القمله : اخيراً شفتني يالعبد
أنا : عبد جابته امتس .... وش تبين مني الحين
القمله : انا طحت من شعرك وابيك ترجعني
أنا : لا والله .... هو دخول الحمام زي خروجه << آآآآبوك يالتشبيه
القملة : تدري عاد ان الحمام أنظف من شعرك ... احسن شيء فيك انك ما تتسبح
أنا : ليه ان شاء الله ؟؟ مستانسه على ريحة الخياس يعني
القملة : لا... بس اليوم اللي تتسبح فيه يصير عندنا فيضانات وحوسه
أنا : اهاااا .... طيب انا رحمتس ودي ارجعتس لشعري
القملة : ايه تكفى تأخرت على اهلي

واشيلها وارجعها لشعري واتجه الى المغسلة واحط راسي تحت البزبوز ( الحنفية )
وافتحه على آخر شيء << نذااااله
واسمع صراخ وصياح وقمل يغرق وفرق انقاذ وحالتهم صعبه

المهم ....

بعد ما طاح اللي براسي من نذاله
رجعت لحيرتي مع سؤالي اللي هو (( ليه شعري فلافل ...؟؟ ))
لازم اعرف السبب
ابوي ابيض واصلع ... وامي بيضه وشعرها ناعم
وشلون يصير شعري فلافل ؟؟؟ لا يكون ما نيب ولدهم لا سمح الله
<<آخرتها لقيط يابو جحلط ...؟؟



رحت لأمي اسألها واعرف منها الجواب اللي يشفي غليلي
وكانت جالسه في الملحق وتتقهوى ومنكمخه على الدله

أنا : يالله ان تحيي اميمتي .... وش هالزين محلوه اليوم .
أمي : اها بس ولا يكثر وقل وش عندك << اخلاق تجارية
انا : يمه ابي اعرف الحين انتي شعرتس ناعم وابوي أصلع ليه انا شعري فلافل
<< وش ذي العائلة مشكل
أمي : احمد ربك على العافية ياوليدي وانك ماصرت مثل ابوك أصلع
انا : ليتني صرت أصلع .... صحراء قاحلة وما يعيش فيها شيء أحسن من المحمية اللي فوق راسي الحين
فيها جميع انواع الحشرات المنقرضه
أمي : (( تشفط لها شفطه طويله من فنجال القهوة ... ثم ناظرتني ... وفلقتني بالفنجال على جبهتي )) رح مدام النفس طيبة
انا : (( احرك الصعرورة اللي طلعت في جبهتي )) الحين هذا والنفس طيبة
أجل شلووون اذا شانت الاخلاق .

أمي : بتجيك الدله وانا امك .. وافتح دوار في جبهتك
أنا : (( والدموع ماليه عيوني )) اصلا انتي مانتيب امي ...

ما احبتس ما احبتس ما احبتس

وانحشت قبل لا تجيني الدله .....



اتجهت لوالدي العزيز وانا عندي يقين بلقى الإجابة عنده
عاد الوالد طاقته مراهقه متأخرة ... طايح في الشات وخذ لك تميلح عند البنات

دخلت عليه في المجلس ....

أنا : يبه ... يبه ... يبه
أبوي : (( وهو مندمج مع الشات )) وحطبه خير وش تبي ؟
انا : ليه شعري فلافل...؟؟
أبوي : (( يلتفت علي )) فلافل ولا طعميه ... (( ويكعها ضحك على ذبته البااايخه ))
أنا : ماشاء الله دمك خفيف انت وصلعتك كنك مدرس مصري
أبوي : (( بحركه خاطفه يقوم من الكرسي ويمسكني مع رقبتي ويثبت وجهي في الجدار ويحكه رايح جاي لين ما طلعت ريحة لحم محترق من وجهي ))
تقولي أصلع يالسوداني....؟؟

ثم ثبتني في الزاوية وهو ماسكني مع رقبتي ورافعني عن الأرض وأنا مغمض عين ومفتح الثانية واشوف ابوي عشرة

أنا : فك وأفك ... << بالع العافية
أبوي : ( يسمع صوت الماسنجر يطنطن على جهازه ) هذي سوسو جالسه تكلمني الحين ... احمد ربك انها دخلت ولا كان ذبحتك ....

ويفلتني
وانا اللي انطلق بسرعه اول مافلتني كني كلب جعري مناحش من بزران يرجمونه




وطلعت من بيتنا وجلست عن البيارة حقت حارتنا ( طافحه / منفجرة )
أفكر في نفس السؤال والعب بعود خشب صغير بمويه البيارة << آآبوك يالرومنسي انت
وانا في عز تفكيري انكمخت مع ريحة المجاري والبيارة واخذت لي غفوة .
.
.
.
.
.
.
.


وفجأه

تسربت موية المجاري الى شعري .... تتوقعون وش صار

بدى شعري يطول
لا لا ماني مصدق
شعري صار ناعم

صرت اشبه مهند اللي في مسلسل نور << تبطي والله

الله شعري يطير مع نسمة الهوى
قمت من مكاني ... رحت اركض واقفز من الفرحة
وشعري ينطنط معي

الله .... صار شعر جواد ولا شيء عند شعري << ياملحي وانا انصب

وانا في عز فرحتي تعكرت رجلي وطحت وجاء وجهي على فتحت البيارة

دردوووووووووووووووووووووب



واصحى من غفوتي


أنا : بسم الله ... وش صار .... شعري ناعم (( اتلمس شعري مثل ما هو ))

ياربيه طلع حلم

بس فكرة ليه ما اغطس راسي في البيارة

كود انه يتحقق الحلم ويصير شعري ناعم

وافتح البيارة ... واغطس راسي

وفي اللحظة اللي غطست فيها راسي كان ابوي توه طالع من باب البيت وشافني

وجاني ومسكني مع رجليني وصار يغطسني كلي في البيارة ويخليني كم ثانية ويرفعني << تعذيب

وانا اقول : خلاص بعترف بكل شيء بس فكني .....

وقمت أشاهق وابلع من مويه المجاري

ولا زال مستمر في تغطيسي ورفعي

حتى بديت اسمع صوت يردد في أذني

وكان هو صوت ابوي وهو يكب على وجهي مويه ويصحيني لصلاة الفجر

فويريييييييييييييييييس

قم لا بارك الله فيك من ولد

.
.
.
.
.
.
.
.
.



وخلصت الحتوته .....

.... مايستفآآد منه.....

* الله يجزاه خير الحلاآق ... بقصة الشعر اللي اخترعها فك ازمة اللي شعورهم فلافل مثلي

* لاحظتوا اني اخذت غفوه في حلمي يعني نايم واخذ غفوه وانا نايم << مدري فهمتوا وش اقصد


وبسس ..~

انتظر ردودكم ,

هههههههههههههههه حلوة تسلموا حبيبتي

ههههههههههههههههههههههههه


والله حلوه

ههههههههههههههههه يسلمو سمووور

ههههههههههههههههههههههههههههههههههه
والله حلللللللللللللللللوه خخخ

هع منوريين

يسلمو يسلمو اااااااااااااااااااااا

منوره غنوجه ..

خخخخ حلوه تحمست
يسلمو

هههههههههههههههااااااااااااااااااااااااااااااي حلوه يسلمو

يسلموا هههه

هع هع منورين اققوى ـآ شي

هههههههههه
حلووه سموور